LAOAG CITY – Nangiwayat ti umuna a session ti Truth Commission pakairamanan dagiti pamilia dagiti maipagarup biktima ti war on drugs idi administrasion ni dati a Presidente Rodrigo Duterte.
Kalikagum ti grupo nga ummongen dagiti rakurak ken ebidensia manipud kadagiti pamilia tapno makabukel ti maysa a consolidated report a maisubmitir kadagiti ahensia ti gobierno.
Mainaig iti daytoy, nabigbig dagiti biktima babaen ti live performance no sadinno ket saggesa a nagsindi ti kandila dagiti timmaripnong kas pagilasinan ti namnamada.
Segun ken ni Truth Commission adviser Cardinal Pablo Virgilio “Ambo” David, bantayan ti grupo no ania ti aramiden ti gobierno iti agbalin a report-da.
Kabayatanna, inbatad ni Truth Commission chairperson Atty. Raul Pangalangan a no kiddawen ti International Criminal Court (ICC) dagiti naummongda a findings ken ebidensia ket sisasaganada a mangted ti kopya tapno maaramat iti imbestigasion.
