LAOAG CITY – Kinondenar ti Department of National Defense (DND) ti nagbalin a sungbat ti Chinese Embassy iti immuna a nagbalin a rakurak ni Defense Secretary Gilberto Teodoro mainaig kadagiti komento ti Chinese Ministry of Foreign Affairs.
Iti maysa nga statement nga inparuk-at ti defense department, inrakurak na nga imbes a mangipaay ti nalawag a sungbat, paspasig a saludsud ken retorika ti inparuk-at ti Chinese Embassy.
Inawagan ni Secretary Teodoro daytoy a maysa a wagas ti panangliklik iti isyu ken kuna na a saan a mailemmeng ti maipagarop a saan nga usto nga impormasyon.
Inpetteng pay ti sekretaryo a saan nga agpaloko dagiti pilipino kadagiti saan nga umiso a naratibo ti China.
Innayon na a ti kaudian a rakurak ti China kontra kenkuana ket maysa a klasiko nga “squid tactic”, saan nga usto nga impormasyon iti babaen ti panangliklik.
