LAOAG CITY – Nagsaritan ni Kapamilya star Anne Curtis maipanggep ti salun-at na kalpasan dagiti diskusyon iti online gapu ta maipagarop a naobserbaran dagiti dadduma a netizens nga adda ti bukol iti tengnged na.
Inadmitir ni Anne a saan a komportable a mapagsasaritaan ti pribado a biagna, ngem inpasigurado na kadagiti fans na nga awan ti rumbeng a pagdanagan da maipapan iti salun-at na.
Inpasingked ti aktres a ti salun-at na ti maysa kadagiti kangrunaan a prayoridad na ken regular ti panagpacheck-up na.
Innayon na a no adda man ti kayatna nga iburay ket isu ti regular a panagpacheck-up ken agpuunan iti salun-at.
Ni Anne ket idaulwan na ti Netflix Original Series “BuyBust: The Undesirables”, malaksid pay iti panagbalin na a bida iti tallo a pelikula.
