LAOAG CITY – Naglikudan ni Department of Public Works and Highways (DPWH) Secretary Vince Dizon nga inbilinna ni Caloocan Rep. Edgar Erice nga i-zero ti pondo daytoy gapu kadagiti pammabalaw iti gobierno.
Inbatad ni Palace Press Officer Claire Castro a tinawaganna mismo ni Dizon tapno lawlawagan ti rakurak ni Erice ken kuna ti sekretario a saanna a nakasarita ti kongresista ti maipanggep iti maipagarup a zero allocation.
Gapu iti daytoy, kuna ni Castro nga arig agar-aramid laeng ti bukud nga istoria ni Erice ken awan ti pagibasaran ti alegasionna.
Inpaganetget ti Palasyo a silulukat ti administrasion kadagiti pammabalaw ngem nasken a saan nga agiwaras ti pammabalaw nga awan ti maidatag nga ebidensia.
Innayon ni Castro a kas maysa nga agpanpanday linteg, saan nga umdas nga ibaga laeng ni Erice ti arungaing iti publiko gapu ta kasapulan ti nalawag a pagibasaran ti tunggal alegasion.
