Maragsakan ni Ms. Perlita Cabello, mangidadaulo ti City Social Welfare and Development Office (CSWDO) iti naiyalokar a pondo manipud iti naisayangkat a budget harmonization ditoy siudad ti Laoag.
Segun kenkuana, ti City Social Welfare and Development Office (CSWDO) ti kadakkelan a pondo iti budget harmonization no sadinno a makaawatda ti 102 million a pesos.
Inlawlawagna nga adda dagiti gundaway nga adda panagkurang ti pondo ken kasapulan ti dakdakkel tapno masuposupan ti nasao a pagkurkurangan.
Gapu iti daytoy, maragsakan ta nakita ni Mayor James Bryan Alcid ti kasapulan a pondo para iti vulnerable sector.
