LAOAG CITY – Umabot iti 234 a Senior Citizen nga agtawen ti 80, 85, 90 ken 95 ditoy suidad ti Laoag ti nakaawat ti Milestone Age Cash Gift.
Segun ken ni Mrs. Perlita Cabello, mangidadaulo iti City Social Welfare and Development Office (CSWDO) ditoy suidad ti Laoag a ti tunggal maysa kadagti naipaayan ti Milestone Age Cash Gift ket nakaawat ti P10,000 a naggapu iti national government nga imbunong ti nasao nga opisina.
Kunana a ti nasao a benepisio ket kas panagyaman ken panangbigbig ti lokal a gobierno ditoy siudad ti Laoag kadakuada gapu iti kontribusionda iti komunidad.
Mainaig iti daytoy impasigurado ni Cabello ti panagtultuloy ti nasao a programa para kadagiti senior citizen tapno adda ti pangsupusopda kadagiti pagkasapulanda nangnangruna para iti salun-atda.
Inayonna nga araramiden amin ti administrasion ni Mayor James Bryan Alcid ti ad-adu pay a kabaelanda ken amin a tulong para kadagiti senior citizens ditoy siudad.
