LAOAG CITY – Naiyuswat ti Balikbayan Balik pag-asa orientation government integration programs, financial literacy, entrepreneurship ken livelihood and skills development program nga indauloan ti City Social Welfare and Development Office ditoy siudad ti Laoag.
Segun ken ni Ms. Perlita Cabello, mangidadaulo iti nasao nga opisina a napintas daytoy a programa tapno maikkan ti oportunidad dagiti umili nga Overseas Filipino Workers a nakapagdesisionen nga agtalinaed ditoy siudad.
Mainaig iti daytoy, naipakaammo kadakuada ti financial awareness a mangtarabay kadakuada a mangmanehar ti negosioda.
Kabayatanna, impasiguradona ti agtultuloy a suporta manipud iti lokal a gobierno para kadagiti Overseas Filipino Workers ditoy siudad gapu ta saanen a masapol nga umadayon dagiti residente ditoy siudad nga agsapol ti napintas nga oportunidad gapu ta adda mismo ditoyen dagiti oportunidad ken pagsapulan a makatulong kadakuada.
