LAOAG CITY – Kinumpirmaran ni Gilas Pilipinas head coach Tim Cone a makadwa da iti fourth window ti 2027 FIBA World Cup Asian Qualifiers ni Kai Sotto.
Inbatad ni Cone a simmabaken ni Sotto iti panagensayo idi Lunes, Agosto 17.
Innayon na nga agbalin a dakkel a tulbek iti panangabak ti Gilas ni Sotto no sadinno a naudi a nagay-ayam daytoy iti national team idi 2025 FIBA Asia Cup Qualifiers.
Sipud idi ket saanen a nakaay-ayam pay ti 7-foot-3 kalpasan a nagsagaba ti anterior cruciate ligament (ACL) iti akin-kannigid a tumengna idi Enero 2025.
Malaksid ken ni Sotto ket namnamaen pay ti panagay-ayam ni Justin Brownlee a nagimbag metten ti injury na.
Adda laengen ti 10 nga aldaw ti Gilas Pilipinas tapno saganaan ti nasao a torneo.
Makasango ti Gilas ti Jordan intono Aogsto 28 idinto a ti Iran ket makalaban da intono Agosto 30 nga agpada a maiyuswat ditoy Pilipinas.
