LAOAG CITY – Dandani a sumango ti elimination ti Gilas Pilipinas Women iti FIBA Pre-Olympic Qualifying Tournament kalpasan ti pannakaabakda iti 47 points kontra iti World No. 7 Canada.
Nadominar ti undefeated squad ti Canada iti opening frame iti score a 9-0 a nanglapped ti Pilipinas nga alaen ti ritmo iti offense ken defense ngem idinto a nakapuntos ni Two-time UAAP MVP Kacey Dela Rosa iti tengnga ti first quarter iti 23-4.
Nakakamat ti Pilipinas iti third quarter no sadinno nakalamangda iti score a 18-16.
Nupay kasta narigatan ti Pilipinas nga artapan ti opensiba ti Canada.
Iti laban, ni laeng veteran center Jack Animam ti Gilas Women player a nakagun-od ti double digits iti score a 11 point ken 8 rebounds, kabayatan a ninayonan ni Vanessa De Jesus ti 9 markers, 5 boards ken 7 a turnovers. Idinto a ni Del Rosa ket nakagun-od ti 8 points ken 5 rebounds.
Kabayanna, natnag ti Gilas Women iti 0-2 record iti group stage iti torneo.
Naamoan a no maatiw ti Mexico ti Senegal iti sumaruno a laban, ma-elominate ti Pilipinas kas ti laeng top two teams iti kada grupo ti sumrek iti semifinals.
Palpasen ti Gilas Woman ti kampanyada kontra iti Senegal inton Biernes, Agosto 21.
