LAOAG CITY – Nakastreken ti quarter finals ti 20th Asian Games ti Gilas Pilipinas Women kalpasan nga inatiwna ti Hong Kong iti score a 90-73 ita nga aldaw, Setiembre 20 iti Aichi International Arena iti Japan.
Mainaig iti daytoy, ti balligi ket iti babaen ti panagidaulo da Stefanie Berberabe, Afril Bernardino ken Jhaz Joson.
Naka-score ni Berberabe ti 21 points kabayatan a ninayonan ni Bernardino ti 17 points ken 11 rebounds.
Nakapuntos pay ni Joson ti 15 kabayatan 14 points ken ni Camile Malagar ken 8 points ti nairekord ni Elizabeth Medans.
Gapu iti balligi, ngimmato ti Gilas Pilipinas Women iti rank 1 ti group B nga adda rekord a 2-0 ken otomatiko a nakastrek iti top 8.
Kabayatanna, sumaruno a kabinnalubal ti Gilas ti host country a Japan inton Martes, Setiembre 22 para idi maudi nga ay-ayam iti group stage.
