Pimmusay ti maysa a lalaki nga agtawen ti 97 iti mismo birthday party-na sumagmamano nga oras kalpasan a nagsala daytoy iti kanta ti Bee Gees a napauloan ti “Stayin’ Alive.”
Gapu iti daytoy, minillion a tao ti nasdaaw kabayatan ti panag-viral ti video ken ti estoria-na.
Ti agtawen ti 97 a ni Vito ket nagselebrar ti maysa a Halloween-themed party no sadinno na-video pay daytoy nga agpalpalakpak ken agsalsala iti disco classic a kanta ken arig in-enjoy ti tunggal moment sakbay ti kellaat a pannakapatay na.
Iti footage nga in-share ti karruba-na a ni Eden Malinoff, inpakitana ni Vito nga agisisem sakbay kinantaan da daytoy ti “happy birthday” nga addan pay ti cake.
Iti selebrasion a naragsak ket nagbalin nga ‘unforgettable farewell’ kas ti panangkunpirma dagiti pagayam ni Vito a pimmusay daytoyen.
Kabayatanna, inbatad met dagiti pagayam ni Vito a numan pay kellaat daytoy a pimmusay ket nasayaat met ta ti ‘final moments’ ni Vito ket nakapalawlaw dagiti ay-ayaten ken napateg a tattao iti biagna.
