LAOAG CITY – Balligi a nadepensaran ti Filipino pole vaulter a ni EJ Obiena ti koronana iti 20th Asian games kalpasan ti panangidaulona iti men’s pole vault final iti Aichi-Nagoya, Japan.
Naipasiguradon ti balitok a medalia para iti Pilipinas kalpasan nga inartapanna ti 5.75 meter clearance.
Malaksid iti daytoy, inpangato pay ni Obiena ti baras tapno maartapan ti bukodna a rekord iti Asian Games.
Iti babaen ti nalinis a 5.91 meter clearance, opisial a binurakna ti datina a tournament record ken nakairekord ti pakasaritaan iti athletics.
Kabayatanna, pinaneknekan ni World No. 2 pole vaulter ti laingna ken panagbalina nga ari iti pole vault iti intero a rehion kabayatan ti nakaro a subok manipud kadagiti kalabanna nga atleta.
