LAOAG CITY – Arigna agtatapaw paylaeng iti ulep ni Filipino Pole Vaulter EJ Obiena kalpasan ti record-breaking title defense iti 2026 Asian Games a naisayangkat iti Nagoya City Mizuho Park Athletic Stadium iti Nagoya, Japan.
Dinominar ni Obiena ti laban iti baet ti nabasa a playing field gapu iti panagtudo na iti venue tapno magun-od ti balitok a medalya iti men’s pole vault event iti maikadwa a nagsaruno nga edisyon ti Asian Games.
Iti nasapa a paset paylaeng ti ay-ayam ket siguradon ni Obiena iti balitok a medalya idi naala na ti 5.75 metro.
Ad-adda pay a pimmintas ti performance ni Obiena iti pannakaala na ti 5.91 meters no ikompara iti dati nga Asian Games record na a 5.90 meters idi 2023 iti Hangzhou, China.
