LAOAG CITY – Agtalinaed a critical priority ti panangpalawa ti access iti comprehensive cleft care gapu ta maysa nga ubing ti maiyan-anak nga addaan ti cleft iti kada tallo a minuto iti sangalubongan basar iti World Health Organization.
Segun ken ni Smile Train Area Director for Southeast Asia John Manuel Flores nga agtultuloy a sangsangoen dagiti pamila ti lapped iti manarimaan a medical intervention nupay highly treatable ti cleft lip and palate.
Inetteng na a rumbeng ti comprehensive care iti basic survival ken long-term development ti maysa nga ubing.
Naamoan a mapatta-patta nga 4,000 nga ubbing iti pagilian ti naiyanak nga adda cleft lip,cleft palate wenno agpada iti kada tawen, basar iti health organizations ken medical institutions ditoy pagilian.
Kuna ni Flores a saan nga umdas ti surgical intervention laeng no di ket kasapulan pay ti long-term support system iti pamilia, pagadalan ken lokal a komunidad tapno masigurado a fully integrated ken supported dagiti ubbing.
Mainaig iti daytoy, mangisayangkat ti Smile Train Philippines kabinnulig ti REX Education Foundation Inc. (REFI) ti educational initiatives a gagemna a mangparikna ti empathy ken inclusions iti uneg ti pagadalan.
