LAOAG CITY – Nangiwayat ti miting dagiti ministro ti China ken Indonesia idiay Jakarta para iti pannakaitalantan ti seguridad, pulitika ken negosio.
Kalikagum ti nasao a dialogo a patibkeren ti relasion dagiti dua a pagilian iti baet ti tension iti South China Sea ken ti mapaspasaran a karit iti intero a lubong.
Segun kadagiti opisial, manamnama ti pannakaipalawa ti kooperasionda iti militar.
Malaksid iti seguridad, simmentro pay ti dialogo iti binilyon a dolyar a panagpuunan ti China kadagiti industria ti Indonesia kas iti nickel ken baterya kadagiti electric vehicle.
Nupay kasta, agpanpanawagan dagiti kompanya dagiti Tsino ti natalged a pagannurotan iti panagnegosio gapu iti nangato a panangsingir ti buwis ken naiget a regulasion ti pagilian ti Indonesia.
