LAOAG CITY – Umabot iti nasurok a 100 a tattao ti nakautibo iti iraraot dagiti armado a grupo iti sumagmamano a villages iti Central Niger State iti Nigeria.
Basar iti report, dagiti suspek ket nakasuot da ti arigna kapada a uniporme dagiti soldado ti Nigeria.
Ti kangrunaan a pinuntirya dagiti suspek ket dagiti komunidad iti Borgu Local Government Area kalpasan ti Friday prayers.
Kinumpirmaran pay ni Police spokesman Wasiu Abiodun a malaksid kadagiti nakautibo ket adda pay ti 40 a pinatay dagiti suspek iti iraraot da iti Dekara, Gidan Zana, Sabon Gida ken Masaka villages.
Patien dagiti otoridad a dagiti suspek ket miembro ti criminal gangs a karaman iti panagkidnap ken panagtakaw iti nagduduma a paset ti Nigeria.
