LAOAG CITY – Nagballigi dagiti otoridad a nangisalakan iti 20 a graduating students a kinautibo dagiti armado a grupo iti South-East Nigeria.
Naamoan a dagiti estudyante ket kinidnap dagiti suspek idi Oktubre 1 kabayatan ti panagdaldalyasat da para iti pannakipaset da ti national community service programme iti Abia ken Akwa Ibom states iti abagatan ti pagilian.
Naisalakan dagiti pulis dagiti biktima babaen ti tulong ti dadduma pay a security agencies.
Inpakaammo ni Police spokesman Ani Iniedu a naisalakan dagiti estudyante iti Amakohia Ubi iti Imo State kalpasan ti naipatungpal a search-and-rescue operation.
