LAOAG CITY – Naiget a kinontra ti Filipino Roblox Developers Association (FRDA) ti pannakapawil ti online gaming platform a Roblox iti pagilian.
Basar iti grupi nga ad-adda a rumbeng a pokusan dagiti feature, online community wenno communication channel a posible nga us-usaren kadagiti ubbing tapno maallukoy nga agaramid ti kinaranggas imbes a ti pakabuklan a pannakaipawil iti platform.
Daytoy ket sungbat iti rakurak ni Interoior and Local Government Secretary Jonvic Remulla a posible nga adda impluwensia ti Roblox iti agtawen 14 nga estudiante a naaramat iti Zamboanga school shooting idi Agosto 18.
Kuna ti grupo a nupay matuloy ti pannakapawil ti ay-ayam, saan a malappedan dagiti indibidual a mangallukoy kadagiti ubbing nga umakar iti sabali nga online platforms.
Gapu ta addo a bilang ti servers ken nagduduma a klase ti content iti Roblox, kuna ti Filipino Roblox Developers Association (FRDA) a rumbeng nga ammoen umuna no ania a partikular a feature, community wenno communication channel ti problema sakbay nga ipawil ti ay-ayam.
Kiddaw ti grupo nga iruar ti gobierno ti nalawag nga ebidensia mainaig iti Roblox iti insidente.
Kabayatanna, naglikudan ti grupo a ti panangirekord ti insidente usar ti first-person point of view wenno POV ket otomatiko a tultuladen daytoy iti maysa a first-person shooter game.
Kunada a natural wenno gagangay laeng ti nadakamat a wagas a panagrekord aglallalo no maysa a tao ti ag-video.
