LAOAG CITY – Naidumduma ti determinasion nga inpakita ti 7 ti tawwenna nga ubing kalpasan nga inkalikagumna nga isuot ti 50 a sweaters nga aggegeddan iti baet ti kinadagsen ken kinabara daytoy.
Nagun-od ni Skyler Rozell-Whitaker ti Pennsylvania ti Guiness World Record para iti most jumpers wenno sweaterst worn at once kalpasan a maartapan na ti dati a rekord a 46 sweaters.
Inadmitir ni Skyler a bayat ti apanagisuot ti sweaters ket dumakdakkel ti bagi na ken dumagdagsen daytoy ngem kunana a kalikagumna a maburak ti baro a rekord.
Kinunana a saan a talaga a mahilig nga agisuot ti sweater daytoy gapu ta nabudo iti kudil ngem nupay kasta, kinay-ayo na nga ikkaten dagitoy iti saggagaysa.
Kabayatanna, saan pay a nalpas ti panangaramatna ti rekords. Gagemna pay a tulungan ti inana iti maysa pay a Guiness World Record inton Oktubre ken kayatna a tulungan a maaddaan ti bukod a rekord ti pagadalanna ken kapagayamna.
