LAOAG CITY – Nagipatulod ti Philippine Red Cross (PRC) ti 17 a medical ken support personnel iti San Lazaro Hospital tapno tumulong iti baet ti agtultuloy a panagngato ti kaso ti leptospirosis.
Naaramid ti deployment kalpasan a nagkiddaw ti hospital management iti tulong, gapu ti pannakairekord ti 139 a leptospirosis patients.
Karaman kadagiti na-ideploy a PRC personnel ti innem a nurse, innem nga student nurse, tallo nga administrative support volunteers, ken dua a kameng ti staff manipud iti Medical Corps Volunteers, Nursing Team.
Segun ken ni PRC Chairman Richard J. Gordon, nakasagana ti organisasion a mangipaay iti kanayonan a personnel tapno masigurado a mapennek dagiti kasapulan dagiti pasiente iti tengnga ti panagadu dagiti kaso.
