LAOAG CITY – Napaltogan ti maysa a karpintero iti mismo nga uneg ti pagtaenganna iti Barangay Bugasi iti ili ti Banna.
Ti biktima ket agtawen ti 46, karpintero, naasawaan, ken residente iti nadakamat a lugar.
Segun ken ni P/Maj. Giovanni Doloroso a ti biktima ket nagsagaba ti sugat iti paset ti tianna ken sumagmamano pay a sugat iti kannigid a bagina particular ti patongna.
Saan pay a nadakamat no ana a caliber ti paltog ti nausar.
Insigida met a naitaray ti biktima iti balay pagagasan para iti naan-anay a pannakatamingna.
Mainaig iti daytoy, nakarekobre ti Ilocos Norte Provincial Forensic Unit (INPFU) iti dua a shotgun shell casing ken dua a plastik a shotgun wads.
Iti agdama, natiliwen ti Person of Interest ngem saan pay a nakumpirmaran gapu ta ti nagan daytoy ti dinakamat ti biktima sakbay a naitaray iti ospital.
