LAOAG CITY – Saan pay a kombinsido ni Senate President Sherwin “Win” Gatchalian a mangikeddeng iti termino dagiti opisial ti barangay ken Sangguniang Kabataan iti lima a tawen gapu ta awan pay ti pammaneknek a mapasayaat daytoy ti komunidad.
Iti statement ni Gatchalian, kinunana a masapul a maipaay ti solido nga ebidensia tapno maikalintegan ti pannakapaatiddog ti termino ti opisina iti barangay agingga iti 5 a tawen.
Gapu iti daytoy, inawagan ni Gatchalian dagiti maseknan nga ahensia ti gobierno nga idatagda dagiti solido a panagadal nga addaan iti datos a mangpaneknek a ti pannakapaatiddog ti termino dagiti opisial ti barangay ket agresulta iti nasayaat a panagturay.
Kangrunaan a kiniddaw ni Gatchalian kadagiti pannakabagi ti Department of the Interior and Local Government (DILG) ken National Youth Commission (NYC) nga idatagda dagiti konkreto a panagadal a mangipakita iti aktual a pagimbagan ti lima a tawen a termino kadagiti kangrunaan a sektor, agraman ti salun-at ti publiko, kappia ken urnos, ken dagiti gannuat kontra iti illegal a droga.
