LAOAG CITY – Inrekomendar ti Marcos administration ti pakabuklaan a P643.95 billion a national budget para iti Department of Public Works and Highways wenno DPWH inton 2027.
Nangatngato daytoy ti 21.29% wenno sumurok-kumurang P113.05 billion ngem iti manarimaan a P530.90 billion a pondo ti ahensia ita a tawen, 2026.
Inlawlawag ni Department of Budget and Management (DBM), ti dakkel a paset a kanayonan nga alokasion ket nailatang para kadagiti agtultuloy nga Infrastructure Flagship Project a ponpondoan ti lokal ken dagiti foreign institution.
Pakairamanan kadagiti kangrunaan a proyekto nga agbenipisio iti pondo ket ti Laguna Lakeshore Road Network, Bataan-Cavite Interlink Bridge, Davao City Bypass, Cebu-Mactan Bridge and Coastal Road, ken ti Pasig-Marikina River Channel Improvement Project Phase IV.
Manamnama ti panangpapigsa iti infrastructure spending ket agbalin a gundaway tapno makaaramid ti kanayonan a trabaho, makissayan ti plete ken gastos iti biahe, makikoordinar ti nagduduma a rehiyion, ken ad-adda a mapalalisto ti panagdur-as ti ekonomia ti pagilian.
