LAOAG CITY – Impakita ni Kapamilya actress a ni Kaila Estrada ti nagbalin a bakasionda idiay Japan a kaduana ti rumored boyfriend-na a ni Daniel Padilla ken kadagiti dadduma pay a kapagayamna.
Iti Instagram post ni Kaila, impakitana dagiti ladawan iti panagbakasyonda ken iti pannakipasetda iti Summer Sonic Festival.
Tampok iti post ni Kaila ti pannanganda, panagpasiar ken panag-enjoy-da iti summer festival.
Iti maysa a ladawan, makita a nakaparabaw ti ulo ni Kaila iti abaga ni Daniel bayat a nakaisem dagitoy iti camera para iti panag-selfie-da.
Kabayatanna, awan pay ti opisial nga anunsio no ania ti real score dagiti dua.
Immunan iti daytoy, inbatad ni Daniel ti panagtalinaed a pribado ti relasionna tapno maliklikan ti nakaro a public scrutiny kas iti padasna iti naglabas a pannakirelasionna.
