Pinagkedkedan ni Alden Richards dagiti peke a quote cards nga agwarwaras online a pakairamanan dagiti saan a pudno nga opinionna maipapan kadagiti dati nga agkarelasion a da Kathryn Bernardo ken Daniel Padilla.
Iti maysa nga interbiu, kinuna ni Alden a saan pay pulos nagkomento ti defamatory words kadagiti saanna a makadkadua.
Gapu iti daytoy, binalakadan ti aktor ti publiko nga agannad iti online gapu ta maipagarop a kaaduan daytoy ket peke a damag.
Segun kenkuana, nasaysayaat no umuna nga ag-fact check sakbay a patien dagiti makita iti online, nangruna no saan nga opisial nga account ti artista ti nag-post.
Nupay kasta, namin-adu a nili-link ni Alden ken ni Kathryn Bernardo kalpasan a nakita dagityoy nga agkakadua iti sumagmamano a gundaway.
Kabayatanna, iti daytoy a bulan ti Mayo ket napadayawan dagiti dua kas Box Office King ken Queen iti nabiit pay a 2024 Box Office Entertainment Awards.
