LAOAG CITY – Saan a nalapdan ti aktor a ni Alden Richards ti agbalin nga emosyonal iti panag-guest na iti baro a season ti “Gandang Gabi Vice” apaman a napagsaritaan ti love life na.
Segun iti aktor, nagbalin a napaidam kenkuana ti ayat iti napalabas a 15 a tawen iti baet ti panagbirbiruk na.
Nupay kasta, kuna na nga insardeng na paylaeng ti agbiruk iti babai nga ipateg na kalpasan ti napalabas a relasyon na.
Innayon na a tapno mabaliwan ti taray ti biagna ket isunan ti mangur-uray lattan a ti ayat ti mismo nga umasideg kenkuana.
Iti pannakasaludsud iti aktor no ania ti nautub na maipanggep iti ayat, ditoyen a nagbalin nga emosyonal a nangibag a masapol nga ipateg nga umuna ti bukod a bagi.
Saan metten nga indetalye ni Alden ti nagbalin a kapadasan na iti napalabas a relasyon na.
