LAOAG CITY – Pinasingkedan ti Korte Suprema nga inawis ti Judicial and Bar Council ti lima a senior Associate Justices-na nga agaplikar kas sumaruno a Chief Justice.
Daytoy ket kageddan ti panagretiro ni Chief Justice Alexander Gesmundo inton Nobiembre.
Segun ken ni Spokesperson ti Korte Suprema a ni Atty. Camille Ting, inawis ti JBC ni Senior Associate Justice Marvic Leonen ken Associate Justices Alfredo Benjamin Caguioa, Ramon Paul Hernando ken Henri Jean Paul Inting nga agaplay.
Inlawlawag ni Atty.Ting a kaugalian iti napalabas ti panangawis kadagiti lima a kangatuan nga Associate Justices nga agaplay kas Chief Justice kas pammadayaw ken panangbigbig iti seniority-da.
Kinunana a nagbalin itan a polisia ti JBC daytoy.
Nadutokan ni CJ Gesmundo kas Associate Justice ti SC idi 2017 ken nagtugaw kas chief justice idi 2021.
