LAOAG CITY –Inbatad ti National Disaster Risk Reduction and Management Council (NDRRMC) a 43 nga indibidual ti nai-report a natay gapu iti Southwest Monsoon wenno habagat, bagyo Luis, Maymay, Neneng, ken Pilandok iti nagduduma a paset ti pagilian.
Ti kangrunaan a rason ti pannakatay ket gapu ti landslide ken pannakalmes. Pakairamanan payen ti pannakakoryente ken natulid a kaykayo.
Narekord dagiti pannakatay kadagiti sumaganad a lugar;
Benguet (15);
La Union (1);
Pangasinan (3);
Zambales (3);
Pampanga (2);
Rizal (6);
Batangas (4);
Quezon (2);
Oriental Mindoro (1);
Occidental Mindoro (2);
Negros Occidental (1); ken
Caloocan (3).
Malaksid iti daytoy, adda pay 20 nga indibidual ti narekord a nasugatan iti paset ti Ilocos Sur, Benguet, Abra, Quezon City, Rizal, ken Cavite.
Naapektaran met dagiti 2.9 million a pamilia wenno 10.2 million nga indibidual iti Ilocos Region, Central Luzon, CALABARZON, MIMAROPA, Bicol Region, National Capital Region, ken Western Visayas.
