LAOAG CITY – Maysa a Mexican hairless dog a napno ti namamaris a tattoo ti nagbalin a kontrobersiyal iti naisayangkat a Pet Fair Asia idiay Shanghai, China.
Iti umuna a pannakakita ket inpagarop dagiti fair attendees nga ordinaryo a drawing laeng ti adda iti bagi ti aso isut gapuna a nakigtot dagitoy idi maamoan da nga authentic ti tattoo.
Ti aso ket addaan ti dragon tattoo manipod likud agingga iti upper limbs na.
Nakasuot pay daytoy ti gold chain ken addaan ti wristwatch iti akin-kannawan a sakana.
Saan metten a masigurado no mano ti tawen nan ti aso a maibagbaga kas “one of the world’s oldest and rarest breeds,” kas maibasar iti website nga xoloitzcuintliclubofamerica.org.
Naamoan a dagiti Mexican hairless dogs ket inladawan dagiti dog websites kas “intelligent, even-tempered, affectionate and playful.”
