LAOAG CITY – Nakumpleto ti Australian fitness enthusiast ti 7,079 pull-ups iti uneg ti 24 nga oras no sadinno nga arigna dinoble na ti dati a rekord iti Guinness World Record.
Inbatad ni Olivia Vinson, agtawen ti 34, iti Guinness World Records, nga agbirbiruk ti dakkel a challenge idi insuhestyun ti asawa na a buraken na ti rekord para iti most pull-ups in 24 hours (female).
Segun ken ni Olivia, ti immuna a reaksyon na ket nagkatawa laeng gapu ta inpagarop na a saanna a kabaelan aglalo idi makita na a ti agdama a rekord ket 4,081.
Nupay kasta, idi inpadas na ti nagpull-ups ket naburak na ti dati a rekord nga iggem ti Polish woman a ni Paula Gorlo idi 2021, ket ditoyen nga inkonsiderar na nga ipadas ti paar-aramid ti asawa na.
Inpakaammo ni Olivia a nagsanay iti uneg ti tallo a bolan sakbay ti first attempt na a nagtungpal iti pannakapaay na, ngem intultuloy na latta ti limmaban agingga a nagun-od na ti tartarigagayan na a ballgi.
