LAOAG CITY – Pinirmaanen ni Presidente Ferdinand Marcos Jr. ti gakat para iti pannakaitantan ti Barangay at Sang Kabataang Elections.
Iti panagpirma ti presidente iti Republic Act No, 12326 ket mapagbalin a lima a tawen ti termino dagiti Barangay ken Sang Kabataang officials.
Daytoy ti kinumpirmaran ni Palace Press Officer Claire Castro iti maysa a press conference a naiyuswat iti Mariano Marcos State University iti Batac City, Ilocos Norte.
Inlawlawag ni Castro a kasapulan nga i-mobilize dagiti barangay officials tapno maparmek ti krimen gapu ta iti barangay ti pangrugyan dagiti mapaspasamak a krimen iti pagilian.
Inbatad na a no kanayun nga agsursor dagiti barangay officials ket sigurado a bumaba ti bilang dagiti mapaspasamak a krimen iti pagilian.
Innayon ni Castro a no adda dagiti mapasamak a layos ket dagiti barangay officials ti umuna a makatulong iti babaen ti panangurnus dagiti basura.
Inpetteng ni Castro a ti pannakaiyalud-od ti terminod dagiti barangay officials ket saan nga agbalin a napintas ti biagda no di ket tapno agtrabaho dagitoy.
