LAOAG CITY – Kalikagum ni Mayor Mark Christian Chua ti panangipasdek ti merkado publiko iti siudad ti Batac iti kabiitan a panawen.
Inbatad na nga iti panangtingitingda iti disenyo ken materyales a mausar iti panangipasdek iti merkado publiko ket manamnama a maipaabay iti Bagsakan Center.
Namanamaen na a malpas ti panagplano da ita a tawen ken iti panagbirok da kadagiti contractor a mangipasdek ti nadakamat a merkado publiko.
Innayon na a kalikagum ti gobierno iti siudad a malpas iti kabiitan a panawen ken inbatad na a no mabalbalin ket agingga iti rabii ti kontraksion tapno makasublin dagiti agtagilako iti napinpintas, ad-adda a komportable ken nataltalged a paglakwan.
Kabayatanna, iti agdama, naiwaras iti nagduduma a bisinidad iti merkado ti 400 a vendors a naapektaran iti uram ken saan pay a pinagbayad ti gobierno siudad dagiti upa dagiti biktima agingga inton malpas ita a tawen tapno maipaayan da ti gundaway a makabangon kalpasan iti napasaranda a pannakadadael ti pagsapulan da.












