LAOAG CITY – Inrakurak ti Defense spokesperson a ni Atty. Michael Poa nga awan ti panangkontra da iti tallo a nadutukan nga amici curiae nga agpapada a dati a Chief Justice ken Associate Justice.
Segun ken ni Poa, nagbalin a silulukat ken consultative ti impeachment court kadagiti suhestiyon dagiti partido isut gapuna nga awan ti makitkita da a problema iti panagpili kadagiti agbalin nga amici curiae.
Kabayatanna, inbatad ni Poa a possible a trataren dagiti Amici Curiae dagiti panagbalbaliw iti balor ti assets ni Vice President Sara Duterte, karaman ti agduduma a figures dagiti financial records na.
Nupay kasta, saan a makaipaay ti sigurado a rakurak ti depensa gapu ta iyur-uray da paylaeng dagiti ebidensya nga idasar ti prosekusyon mainaig iti article II wenn unexplained wealth.
Inpetteng ni Poa a makatulong dagiti Amici Curiae tapno maaddaan ti nalawlawag ken naun-uneg a pannakaawat kadagiti legal nga isyu a karaman iti kaso, aglalo ket ado ti agduduma nga opinyon maipanggep iti daytoy, karaman iti social media.
