LAOAG CITY – Agbalin a mandatory ti panangidasar ti nasalun-at a taraon iti pasken wenno aktibidad ti city government iti siudad ti Baguio a nangrugi ita nga aldaw, Setiembre 19 maiyataday iti publikasion ti ordinansa iti gagem ad-adda a nasalun-at a food environment iti suidad.
Ti nadakamat nga ordinansa ket naipasa idi Marso a gagemna ti mangbukel iti dadduma a city measure tapno masungbatan ti panagngato ti kaso ti noncommunicable diseases kas ti hypertension, diabetes, chronic kidney disease, cancer ken obesity kadagiti agtutubo, nataengan ken senior citizen.
Segun ken ni City Health Office Dr. Celia Flor Brillantes a basar iti 2025 morbidity report iti suidad ket nangipakita a ti hypertension, upper respiratory infection ken diabetes dagiti leading illnesses a nairekord no sadinno ti hypertension ket addaan ti 12,775 a kaso.
Innayonna pay a ti healthy food ordinance ket paset iti napalawa nga inisiatibo tapno masungbatan ti lifestyle-related diseases.
Iti babaen ti pagannurotan, dagiti maidasar a taraon iti aktibidad wenno events ket rumbeng a nababa iti sugar, salt ken fat, ken rumbeng nga high in fiber.
