LAOAG CITY – Inbatad ti testigo ti Securities and Exchange Commission (SEC) a nagtalinaed a maysa kadagiti Board of Directors ti MEtro City Chow Foods Corporation ni Vice President Sara Duterte agingga 2025 wenno kalpasan a naelektaran daytoy kas Bise Presidente ti pagilian.
Daytoy ket bayat ti maika-27 nga aldaw ti impeachment trial ni Duterte a nagtestigo ni Securities and Exchange Commission (SEC) Company Registration and Monitoring Department Director Gerardo Fernando del Rosario no sadinno a kinumpirmaranna a paset ti bise president ti Metro City Chow Foods Corporation kadagiti naisubmitir a dokumento iti Securities and Exchange Commission (SEC).
Mainaig iti daytoy, nadakamat a daytoy ket maysa pananglabsing iti Article VII, Section 13 ti 1987 Constitution no sadinno a nalawag a mangipwil iti Presdente, Bise Presidente, ken dagiti miembro ti Gabinete a makipaset iti aniaman a negosio bayat a nakatugaw dagitoy iti nasao a posision.
Kabayatanna, nagdudua ni Senator-judge Raffy Tulfo no apay awan iti legal advisor wenno abogado ni Duterte a nangbayabay kenkuana a kasapulanna ti ag-divest kadagiti sanikua ken negosiona tapno makaliklik iti panaglabsing iti 1987 Constituion.
