LAOAG CITY – Awan ti ammo ni Davao City Mayor Sebastian “Baste” Duterte iti pannakainaig ni Vice President Sara Duterte iti GenCorp Industries Inc.
Kuna ni Baste a ti transaksyon ti Davao City Government iti GenCorp ket umabot it nasurok a P33.2 milyon iti 19 a kontrata.
Naikeddeng nga agtestigo ni Baste iti impeachment trial ti kabsat na manipod iti Setyembre 28 agingga iti 30.
Inkalintegan na a ti GenCorp ket matingtingiting iti kada transaksyon ken naamoan a nakaipasa ti kababaan a calculated responsive bid wenno offer.
Inpetteng pay ni Baste nga amin ti 19 a transaksyon ket naiproseso, nareport ken naipablaak iti Philippine Government Electronic Procurement System (PhilGEPS) ken ti amin a transaksyon ket “above board.”
Iti 19 a kontrata iti GenCorp, 13 ti nakumpleton ken innem ti agtultuloy paylaeng.
Uppat kadagiti kontrata ket naala iti babaen ti competitive public bidding, idinto a 15 a sabsabali pay ket iti babaen ti small-value procurement.
Indeklarar ti Bise Presidente ti GenCorp kas maysa kadagiti business interests iti Statement of Assets, Liabilities, and Net Worth (SALN) na.
Iti baet daytoy, saanna nga inrekord ti GenCorp kas incorporator wenno director basar iti General Information Sheet and Audited Financial Statement ti kompanya a naipasa iti SEC kas kinumpirmaran ni SEC Company Registration and Monitoring Department Director Gerardo Fernando del Rosario iti impeachment trial ni Duterte.
