LAOAG CITY – Agtultuloy ti pannakapapigsa ti suporta ken pagsayaatan kadagiti mannalon iti babaen ti panagtinnulong ti Legislative ken Executive body iti ili ti San Nicolas.
Impasigurado ti Sangguniang Bayan iti ili ti San Nicolas nga idadauloan ni Vice Mayor Napoleon Hernando ti agtultuloy a suporta ti Local Chief Executive para iti pagsayaatan dagiti mannalon.
Maysa a pakakitaan ket ti pannakaipaay ti farm equipments kadagiti nagduduma a gunglo ti mannalon no sadinno a daytoy ket iti babaen ti panangaprobar ti Legislative ken Executive body ti pondo para kadagiti proyekto.
Innayonna pay nga ado pay dagiti mapadaanan a dumalan iti opisinada a panagkiddaw ti pondo para kadagiti umili ken nagduduma pay a sektor no sadinno nga impasiguradona a sidadaanda a mangaprobar nulaketdi pagsayaatan ti ili a San Nicolas.
