LAOAG CITY – Nagladingit ti maysa a pamilia iti Cavite ngem saan a gagangay a wagas ti inaramidda no diket naragsak a panagladingit.
Nag-viral ti maysa a video ti pamilia no sadinno a makita nga agkankanta dagitoy ti “Girl on Fire”. Idinto a nakita ti dapu ti pimmusay a lolada nga inpa-cremate-da.
Kalpasan daytoy, nakaskasdaaw met ti eksena iti minatayan gapu ta imbes a nasayaat a picture ti pimmusay ti inkabilda ket inaramidanda ti standee a nakasuot ti life-vest ken naka-swimming attire.
Mainaig iti daytoy nagbalin daytoy a photo opportunity para kadagiti bisita aglallalo kadagiti ubbing.
Kabayatanna, inbatad ti pamilia a naragsak a tao ti lolada ken normal laeng ti angaw kadakuada.
Nupay kasta, kunada a selebrasion daytoy iti 90 a tawen a biag ti lolada iti lubong.
