LAOAG CITY – Nagselebrar ti legendary band a U2 ti maika-50 a tawen nga anibersario iti maysa a pagadalan iti Dublin no sadinno nabukel ti bandada.
Segun iti bokalista a ni Bono, nalagipna iti napalabas no sadinno naglibasda iti laboratory ti pagadalan.
Malaksid iti daytoy, inpaayanda ti hero’s welcome dagiti estudiante ti Mount Temple Comprehensive ti banda.
Kinanta ti banda dagiti nalatak a kantada kas ti “With Or Without You”; “I Will Follow”, “Vertigo” ken dadduma pay.
Nangrugi ti banda idi 1976 no sadinno a ditoy a nagyamanda kadagiti mangisursuro kadakuada.
