LAOAG CITY – Nangipatungpal ti libre a panagpukis ken dadduma pay a serbisyo ti Ilocos Norte Police Provincial Office iti Aurora Park ditoy ciudad ti Laoag.
Daytoy ket kas paset ti pananglagip ti maika-54 nga anibersaryo ti Martial Law.
Inbatad ni Police Major Noel Cabacungan, Acting chief Provincial Community Affairs Development ti Ilocos Norte Police Provincial Office, tinawen nga adda ti maisaysayangkat ta libre a panagpukis ken dadduma a serbisyo kas paset ti panagselebrar ti martial law ditoy pagilian.
Kuna na a malaksid iti libre a panagpukis ket adda pay ti panag-zumba kas wellness activity dagiti kameng ti Philippine National Police; libre a medical checkup ken breakfast, kasta pay nga adda ti live band.
Innayon ni Cabacungan a ti libre a breakfast ket insagana ti Ilocos Norte Police Provincial Office ket ti gobierno lokal ditoy ciudad ti Laoag.
