LAOAG CITY – Agtultuloy ti panangiwayat ti Philippine Coast Guard (PCG) ti search and rescue operations para iti nabatbati a walo a pasaheros a mapukpukaw kalpasan ti insidente a nakairamanan ti M/V June Aster iti kabaybayan ti Coron, Palawan.
Manipud iti Calanhayaun Island agingga iti kabangibang a kabaybayan, nangiwayat ti panagsarak dagiti kameng ti Coast Guard District Palawan usar dagiti patrol vessel, rubber boats, ken dadduma pay a ramit.
Karaman iti operasion ti maritime ken shoreline patrols, bayat a nangiparuk-at met ti drones ti Philippine Coast Guard (PCG) tapno makita manipud tangatang dagiti possible a lugar a mabalin a pagturongan dagiti search team.
Nakipagpaset pay iti operasion dagiti kameng ti Disaster Response Group, Special Operations Group ken Marine Environmental Protection–Northeastern Palawan, ken dagiti BRP Suluan.
