LAOAG CITY – Inakusaran ni dati a Sen. Antonio Trillanes IV a nakaawat da Vice President Sara Duterte ken ti asawa na a ni Manases Carpio ti minilyon a pondo manipod iti People’s Republic of China.
Inaramid daytoy ti dati a senador, maysa nga aldaw kalpasan a naibabawi ti panagtestigo na iti impeachment trial ni Vice President Duterte.
Iti maysa a press conference, inpalgak na a nangilatang ti China ti sumuruk-kumurang a P319 milyon iti babaen ti Cale88 Foods Corp babaen ken ni Carpio, idinto a ti Tapang at Malasakit Alliance for the Philippines Inc. ni Duterte ket nakaawat ti P150 milyon manipod iti Embahada ti China para iti panagpatakder ti 13 a classrooms.
Inpetteng ni Trillanes a daytoy ti wagas ti China iti panangsuporta na iti agasawa a Duterte, rason a rumbeng nga agamak dagiti Pilipino gapu ta bise presidente daytoy ken adda tinational security implications.
Innayon n a maipawil ti agawat manipod iti foreign government, aglalo ket high-ranking official ni Duterte iti gobierno national.
Ti Cale88 ket nairehistro kas factory ken exporter ti banana chips, ngem iti 2024 general information sheet na ket nailanad ti “zero rank and file employees” ken nailanad nga addaan ti cash balance a P400,294 iti baet ti minilyon a naglakoan na.
Kabayatanna, inakurak pay ni Trillanes a ti Tapang at Malasakit Alliance for the Philippines Inc.ni Duterte ket nakaawat ti P150-million a donasyon manipod iti Chinese Embassy iti Pilipinas idi 2019, ken naan-anay a naibunong idi Disyembre 2020.
