LAOAG CITY – Binalakadan ti Philippine Consulate Greneral idiay Los Angelkes ti komunidad dagiti Pilipino idiay Southern California gapu iti pangta ti heat wave a rason ti nangato a temperature iti nasao a rehiyon.
Basar iti National Weather Service, naiparuk-aten ti Extreme Heat Warning para kadagiti daddakel a paset ti Los Angeles ken Orange Country, no sadinno mabalin nga umabot iti 102 agingga 107 degreees Fahrenheit ti temperature kadagiti sumagmamano a lugar.
Gapu iti daytoy, binalakadan ti konsulado dagiti Pilipino a limitaranda dagiti outdoor activity-da tapno maliklikan dagiti sakit a maala gapu iti nakaro a pudot.
