LAOAG CITY – Mangisayangkat ti 1Z Entertainment ti kaunaan a music festival a napauloan ti One Zone Fest.
Malaksid iti SB19, maitampok pay dagiti roster artists-da kas ti Xonara ken J2X para iti two-day event inton Oktobre 24 ken 25 ita a tawen.
Mainaig iti daytoy, inladawan ni SB19 Pablo daytoy kas opportunidad ken platform a mangpamaysa dagiti artists manipud ti nagduduma a musical background kagiddan ti panagaramid ti opportunidad para iti collaborations ken cultural exchange.
Innayonna pay a kalikagum ti IZ Entertainment nga aginbitar ti international artists para iti future editions.
Gagem ti festival a ipaayan dagiti fans ti opportunidad a makapasar ti music manipud iti nagduduma a paset iti lubong.
