LAOAG CITY – Nagdinnungpar ti maysa a L300 a van ken maysa a Honda Click 125 a motorsiklo iti Airport Road iti paset iti Barangay 47 Bengcag ditoy siudad ti Laoag iti oras ti alas-7 ita a rabii, Oktobre 4.
Basar kadagiti nakakita, rumuar iti Barangay Bengcag nga agturong iti highway ti L300 a van. Idinto a kellat a dinungpar ti motorsiklo ken natamaan iti makin-igid a paset iti nadakamat a van.
Gapu iti daytoy, timmawag ti kadua ti driver ti van iti pulis tapno i-report ti napasamak.
Naamoan a ti driver ti motorsiklo ket security guard iti maysa a banko, nakasuot ti helmet ken napataray daytoy.
Kalpasan iti daytoy, naitaray ti driver ti motorsiklo iti ospital.
Kabayatanna, nakita nga awan street lights ken accident prone ti paset ti kalsada a nakapasamakan iti aksidente.
