LAOAG CITY – Inrakurak ti mangidadaulo ti gobierno ti Yemen ti panangipatungpal da ti all-out war wenno nakaro a gubat tapno mapasubli da dagiti teritoryo a kontrolado ti Houthis.
Daytoy ket kalpasan ti panagsinnukat ti pinnutok ti nagbaetan ti Houthis ken ti Saudi-led coalition kadagiti naglabas nga aldaw.
Inbatad ti maysa a grupo a supsuportaran ti Iran a rinaot da dagiti lugar a kukua ti Saudi national oil company Aramco, kas sungbat da iti inladawan na a 50 Saudi-led coalition strikes iti uneg ti 12 ng oras.
Saan pay a nangipaay ti komento na ti Saudi Arabia mainaig iti nasao a pasamak.
