LAOAG CITY – Nagpanawagan ni Sen. Bam Aquino kadagiti Pilipino iti nagduduma a pagilian a suportaran ken buyaenda ti pelikula a “Forgotten Island.”
Tampok iti nasao a pelikula ti pakasaritaan dagiti dua nga agpagayam iti maysa nga isla iti Pilipinas, no sadinno karaman iti nasao a pelikula dagiti star-studded Filipino cast, pakairamanan da Liza Soberano, Lea Salonga, Manny Jacinto, Dolly de Leon, Jo Koy ken H.E.R.
Malaksid kadakuada, karaman pay iti pelikula dagiti direktor a da Joel Crawford ken ti Filipino-American filmmaker a ni Januel Mercado ken dagiti kanta ken musical contributions manipud kadagiti Filipino artists, pakiramanan ti SB19, BINI ken ni Sophia Laforteza ti KATSEYE.
Segun ken ni Senator Bam, nasken laeng a suportaran dagiti Pilipino ti pelikula gapu ta naitampok ditoy ti kinalaing dagiti Pilipino, kultura ken patawid a naipaiyamammo kadagiti nakabuya iti intero a lubong.
Kabayatanna, kalikagum ti pananggutigot ni Senator Bam a papigsaen ti suporta ti gobierno para kadagiti Filipino artists ken creative workers.
