LAOAG CITY – Inlungalong ni Senador Bam Aquino nga ipaayan ti P2,000 a binulan nga allowance ti persons with disabilities wenno PWDs.
Iti inpasa a Senate Bill 2386 ni Aquino wenno ti National Disability Support Act, mailunglungalong a makaawat dagiti kualipikado a persons with disabilities ti binulan nga allowance a P2,000 iti babaen ti National Disability Support Allowance Program.
Nakailanad iti gakat a mabalin pay daytoy a regular nga i-adjust basar iti inflation tapno mapagtalinaed ti kinapateg daytoy iti panagtulid ti panawen.
Inbatad ni Aquino a dagiti persons with disabilities ket sumangsango iti nayon a gastosen iti inaldaw-aldaw a panagbiag kas iti transportasion, healthcare, personal assistance ken assistive devices nga essentialwenno napateg para kadagiti survival kadagiti aramid, trabaho ken iti biag ti komunidad.
Inlawlawagna a ti allowance ket naidisenio tapno ma-compliment ti maipatpatungpal a social protection program ken mapapigsa dagiti persons with disabilities a mabbiag nga independent, makaturpos iti panagadal, makatrabaho ken aktibo a makipaset iti komunidad.
Iti umuna a tallo a tawen ket prioridad pay laeng dagiti ubbing nga adda ti rangkap ti bagina ken dagiti adda iti umno a tawen nga addaan iti nakaro a sagubanit ken iti sumaruno a tallo a tawen ket palawaen ti sakupen daytoy tapno mairamanen dagiti dadduma pay a kualipikado a persons with disabilities.
