LAOAG CITY – Nabigbig ken napadayawan dagiti nagduduma a barangay ditoy siudad ti Laoag iti babaen ti Ilocano a Nadaeg Awards for Barangays’ Excellence in Legislation (INABEL).
Daytoy ket nakipagpasetan ti 30 a barangay ken 12 kadagitoy ti nagbalin a finalist.
Gagem ti nasao a pammigbig a marekognisar dagiti naaramidan ti barangay iti panangputarda kadagiti nagblin a resolusion ken ordinansa a pagsayaatan dagiti bumaranggay.
Segun iti Department of Interior and Local Government Unit Officer in-chare Provincial Director Atty. Hilario a ti Ilocano a Nadaeg Awards for Barangays’ Excellence in Legislation wenno INABEL ket maiyataday iti nagan ti pammadayaw gapu ta ti pagsasao nga INABEL ket naidumduma, nasayaat ti pannakamulina, a kas kadagitii ordinansa ken resolusion.
Dagiti nangabak a barangay ket pakairamanan ti;
TOP 3
Champion – Barangay 1 San Lorenzo;
1st Runner-Up – Barangay 57 Pila; ken
2nd Runner-Up -Barangay 35 Gabu Sur.
Idinto a dagiti nagbalin a finalist ket;
Barangay 29 Santo Tomas;
Barangay 8. San Vicente;
Barangay 30-B Sta Maria;
Barangay 2 Sta Joaquina;
Barangay 43 Cavit;
Barangay 7A Nuestra Señora De Natividad;
Barangay 55C Vira;
Barangay 6. San Agustin; ken ti
Barangay 47 Bengcag.
Mainaig iti daytoy, kinuna ni Mayor James Bryan Alcid nga agtultuloy ti panagbibinnulig ti gobierno siudad ken dagiti barangay iti babaen ti panangidaulo ni Liga ng mga Barangay President Rbee Ablan.
Kinunana a ti kangrunaan a pagrugian ti progreso ti siudad ket dagiti barangay isut gapuna a kasapulan nga agtultuloy a masuportaran dagiti programa ken pagsayaatan para iti maysa a barangay.
Naamoan a ti Laoag City ti kaunaan a Local Government Units iti Ilocos Norte nga adda ti INABEL Awards-na.
