LAOAG CITY – Naalarma ti Department of Justice ti naduktalanda a sumurok 6M a peke a Person with Disabilities (PWD IDs).
Inbatad ni Chief State Counsel Dennis Arvin Chan nga adda sumurok a 6 million nga IDs nga ‘unaccounted for’ ken adda laeng 2.8 million PWD IDs a nakarehistro.
Kinunana a dagiti ‘unaccounted for’ a cards ket dakkel a pangta kadagiti business owners ken ti gobierno iti seryoso nga economic loss.
Daytoy ket kalpasan ti maysa a press conference no sadinno a nagkiddaw ni Chan iti National Council on Disability Affairs mainaig iti proliferation ken pannakausar dagiti palso a PWD IDs.
Binallaagan ni Chan dagiti pasdek negosio nga agbalin a naridam kadagiti agus-usar ti palso nga IDs.
Innayonna a mabalin a mapilaan ti kaso nga estafa dagiti pasdek negosio no adda maduktalanda nga agus-usar ti palso nga IDs.
